- 90 -

1310, September 1. Breslau.

Pfarrer Martin von Nossen leistet auf die Feldzehnten in Wenig-Nossen Verzicht.

In nomine domini amen. Nos Conradus doctor decretorum canonicus et officialis Wratizlaviensis notum facimus universis, quorum audiencie publicabitur presens scriptum, quod dominus Martinus plebanus de Ossyna coram nobis in iudicio constitutus, diffisus de iure suo, cessit et renunctiavit omni iuri, si quod sibi competebat, in decimis campestribus in parvo Ossyna vel posset competere infuturum. Nos vero . . officialis predictus ad peticionem domini Cosmiani de Othmachow procuratoris, quem idem Mar(tinus) super huiusmodi decimas ad iudicium procuraverat evocari, cessionem et renunctiacionem predictas ratas et gratas habentes conscribi iussimus nostrique officialatus sigilli robore communiri. Actum et datum Wratizlavie Kalendis Septembris anno domini M°. CCC°. decimo, presentibus dominis: Mychahele plebano de Stobno, Rudgero canonico Opoliensi, magistris Johanne de Legnicz, Bertoldo de Rathibor, Bulkone advocato et aliis pluribus fide dignis.

Inseriert in der nachfolgenden Urkunde No. XCI.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.